اصلاح كتاوت الدينمو والفحمات للكابريس م2001
9
1
إضغط هنا للإخفاء
بسم الله الرحمن الرحيم
عيدكم سعيد والله يعيده علينا وعليكم اعواما مديده ونحن بصحه وعافيه
سبق وان نزلت موضوع عن تغيير بطاريه بسبب انها انتهت
وبعدها نزلت موضوع عن كشف التماس
يعني اللي اعدم البطاريه هو الالتماس او بشكل اوضح كل ما انشحنت بشكل جزئي من الدينمو يطلع الالتماس مع المشي وبالتالي
يسحب من كهربة البطارية ولا يخليها تنشحن بشكل كامل ويفرغها في البدي وهكذا الين اتعب الخلايا اللي داخلها.
لكن خويكم معتمد على نفسه يعني كل شيء شغل بيت هههههه
لان بعد تغيير البطارية بأيام كنت افتح الكبوت دائما واشيك
والاقي البطارية بيضاء ،، بعد مرتين عرفت ان فيه التماس
ما اكتشفته زين ،، ففصلت البطارية وارفع السيارة وافك الظفيرة
من الدينمو الى البطارية وفعلا الاسلاك فيها التماس وصلحتها.
اللي صار بعدها ان البطارية ما عاد تتعبأ هنا كاد قلبي ان يسقط هههههه
توني مضبط كل شيء ايش اللي صار>>وقتها بغيت اصيح
رحت كشفت عند الكهربائيين قالو الدينمو ما يشحن جب واحد ونركبه لك>>شغلتهم فك وركب بس
وادور في النت على طريقه ما لقيت واغير كلمات البحث والحمد لله والاقي شرح من شخص صلح الدينمو
ونزل الموضوع ونسى منه وجيت انا وغيري واستفدنا بدون علمه لكن له دعوه في ظهر الغيب
وهذا الرابط :
http://www.ss3rby.com/vb/showthread.php?t=6373
صح انه باقي كيف افك الفحمات بدون ما اكسرها
فكسرتها لكن كل دقه بتعليمه وباشرحها في الصور
طبعا من اللقافه قمت وفكيت قطعه الكتاوت بمجرد استكشاف
لكن ما عاد تركب ولا تتغير الا بكتاوت كامل بدل ما كانت المشكله فحمات فقط وموجوده صورته
إبلاغ
الردود
1
0
معقولة فيه بيننا ناس مبدعين وشغالين ما شاء الله !!
قصتك ذكرتني بنفس الحكاية صارت معي بدينمو لومينا 2000 نفس هالدينمو نفس قصتك كل ما أفك شي أتلقف ودي أعرف الثاني لين عدمت كلش هههههه
وبالأخير وديته لمصلح دينموات ضبطه لي.
بس من جدّك الكتاوت بـ 60 ريال بس !!!
أنا مشتريه من بالبيد سنة 1427هـ تقريباً بـ 550 ريال.
1
0
تسلم ي الغالي وترا حمستني بزيادة ، لا اروح الحين وأفكفك اووووم السياره
وبالنسبة للدينمو فسعره صح ويمكن يكون درجه اقل لكن هذا اللي موجود في السوق
أحسن ما أغير الدينمو كامل
وترا اول ما رحت اسأل الكهربائيين قالو ما راح تلاقي نصابيين
لأنهم بيأخذونه ويبيعونه بعدين يرجع للسوق مجدد بقيمته مقاربه للامريكي
وسعر النوع الامريكي ب٥٥٠ ريال من عند بابلغوم
1
0
وسعرها منااااسب
0
0
حمستني .. بكره بفكك الكابريس دام ما اني فاضي قبل ما انشغل ههههه
الان الفحمات ناخذ حقت الكامري زي ما قال صاحب الموضوع الثاني ..
ووش الفحمات الي اشتريتها انت ... عشان الصبح اتوجه واشتريها ويبدا الشغل العصر
وكثر الله من امثالك .. ووجهك ابيض
0
0
عندي استفسار معي كابرس 2002 المكيف الظهر ما يبرد وفي الليل بارد واحيانا ثلج ماشاء الله
ايضا الحرارة ترتفع وتوصل 100 واحيانا اكثر تصل للنص في الظهر مع المكيف اطفي المكيف تنزل الحرارة وتصير في حدود الطبيعي تقريبا بين 90 الى 96 شيكت على المراوح ويقولون سليمة سيخت لديتر والبلف مغير من فتره قريبة
1
0
1
0
الفحمات ما غيرتها لان الكتاوت تجي معه الفحمات داخل لكن اذا بتغيرها فك الدينمو وطلع الفحمات ورح دور زيها في المحلات
رفع السيارة ما تحتاج له..لان الشغل كله من فوق وكلها 3 مسامير وانتبه تطلع الدينمو كامل اول ما ينفك
اسحبه لجهة الرديتر الين توضح معك الافياش وافصلها بعدين طلع الدينمو
الخطوات:
تفك غطاء الهواء فقط مع الانبوب اللي موصل في البوابه وترا فيها افياش عددها 2
تفصل لي الاديتر الصغير اللي يجي جنب المراوح بالضبط عشان تطلع المراوح وما تضغط عليه وتكسره
تطلع المراوح وطريقتها(اول ما تفك المسامير وتتحرر تقوم تسحبها جهة يدك اليمين تبدأ تطلعها وتحركها من اليسار بعدين فوق وهكذا
وترا خرطوش الماء بينشب لك لكن لا تفكه فقط اضغطه بيدك وطلع المراوح
ويا ان ظهرك بينكسر ههههههههههههههههههههههههههههه
hassan_92/
بودي اجيك وافحص السيارة واشوفها بعيني المجردة لكن هذا ما يعني اني خبير لكن باعلمك عن اللي اعرفه والباقي بفيدونك الاخوان
الكابريس حرارته يوصل حتى ال98 وتشتغل المراوح ويرجع لل93 واذا طقته الحمى يوصل ال100
لكن لو تعدا ال100 هذا يدل ان فيه مشكله في نظام التبريد
فيه طريقه تدخل فيها على نظام السيارة وتطلع لك الحرارة بارقام وهي:
قبل ما تدخل المفتاح تضغط على زر الmode+سهم يمين وتخل المفتاح وتشغل السيارة وانت باقي ضاغط عليهم بعدين اذا اشتغل السيارة
تفك يدك واول شيء بيجيك الفولت حق البطارية والدينمو اقصى اليسار
تضغط على زر الmode مرتين تبين لك الحرارة بالمئوي في النص شوف هل هي صحيحه ولا لا؟
وفيه حاجات نية تطلع اذا ضغط زر المود لكن ما عرفتها...واخر شيء بيجيك التشييك ونغمة متواصلة لا تخاف منها هههههههههههههه
اضغط مرة ثانيه على المود وترجع من البداية واذا تبغى تطلع اضغط السهمين مع بعض وخلاص
0
0
قبل 10 سنه و 4 شهر